Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
OXIRATINGIZ OBOD BO’LSIN!
2020-03-26 14:49:33 129
O’zbekiston xalq shoiri, ustoz Oxunjon Hakimovning vafoti haqidagi xabar farg’onaliklarni chuqur qayg’uga soldi. Farg’ona ijod maktabi, o’zbek adabiyoti va jurnalistikasi ildizi baquvvat azim chinoridan judo bo’lganligi barchamizning qalbimizni larzaga keltirdi.
Oxunjon Hakimovning yuzlab shogirdlari, uning ijodidan bemisl ma'naviy quvvat olgan millionlab ixlosmandlari uchun bu katta yo’qotishdir. Ustozning o’zbek adabiyoti va matbuoti rivojiga qo’shga beqiyos hissasi tarix zarvaraqlariga bitildi, undan minnatdor qalblarga mangu muhrlandi.
Ustoz ilk ijodini, jurnalistik faoliyatini Farg’ona viloyatining “Kommuna” (hozirgi “Farg’ona haqiqati”) gazetasi tahririyatida boshlab, keyinchalik haqiqiy katta ijodkor sifatida elga tanildi, hurmat-e'tibor topdi. Uning “Ilhom vodiysi”, “Qo’llarim ko’ksimda”, “Tafakkur boqiy”, “Vatan qasidasi”, “O’shal kun kelur”, “Ko’zlaringni o’zi qaro”, “Qizlar hayol sursalar” singari o’nlab she'riy to’plamlari, zamonamiz qahramonlari haqidagi bir qator ocherk, lavha, reportaj va suhbat-maqolalari o’quvchilarni ezgulikka, mehr-oqibatga chorlovchi, yuksak badiiy asarlar sifatida qadrlanadi.
Birgina “Dunyo” she'ri asosida yaratilgan qo’shiq butun YEvropani qamrab olib, bir necha tillarda kuylanganligining o’zi Oxunjon Hakimov ijodi, iste'dodiga berilgan yuksak baho va xalqaro e'tirof edi.
Oxunjon Hakimov qo’shiqnavis shoir, dramaturgiya sohasida ham o’z mahorat maktabiga ega. Uning adabiyot va jurnalistika rivojiga qo’shgan munosib hissasi davlatimiz tomonidan munosib taqdirlanib, 1998 yilda “El-yurt hurmati” ordeni, 2006 yilda O’zbekiston xalq shoiri faxriy unvoni bilan mukofotlangan.
Bag’rikeng, mehribon ustoz Oxunjon Hakimovning mazmunli umr yo’li, sermahsul ijodiy faoliyati, odamiylik fazilatlari biz uchun hamisha ibrat maktabi bo’lib qoladi.
Farg’ona viloyati hokimligi, viloyat faollari nomidan Oxunjon Hakimovning oila a'zolariga, qarindosh-urug’lariga chuqur ta'ziya bildiramiz.
Shuhrat G’ANIYEV,
Farg’ona viloyati hokimi.
Lolaxon MUROTOVA,
O’zbekiston Qahramoni.
Topvoldi XOLDOROV,
O’zbekiston Respublikasi Oliy Majlisi Senati a'zosi.
