Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
SHOHIMARDON – O’ZBEKISTONDAGI KORONAVIRUS YETIB BORMAGAN QISHLOQ
2020-04-25 17:37:12 123
Ramazonning shu qutlug’ kunlarida Farg’ona viloyati hokimi Shuhrat G’aniyev Shohimardon qishlog’i aholisi bilan uchrashdi.
- Bilingki, Sizlar O’zbekiston Prezidenti muhtaram Shavkat Mirziyoyevning doimiy e'tiboridasizlar, - dedi hokim shohimardonliklar bilan suhbat chog’ida. – Koronavirus degan kasallik Siz, tog’liklarga yetib kelmaganining o’zi katta yutuq. Zero, bu qishloq ahli ham qalban, ham amaliyotda poklik bilan barchaga ibrat bo’lib kelayotgani boisidir.
Shohimardon qishlog’idagi deyarli barcha dam olish uylari 2019-2020 yillarda ta'mirlandi. Yangitdan yana ko’plab zamonaviy me'moriy yechim va shart-sharoitdagi uy mehmonxonalari, dam olish chorbog’lari qurildi. Agar koronavirus pandemiyasi bo’lmaganida aprel-may oylarida bu yerda turizmga bag’ishlangan xalqaro anjuman o’tkazilishi rejalashtirilgandi.
- Qishlog’imiz obod bo’lib ketdi, - deydi Shohimardon MFY raisi Ikromjon Abduxoliqov. – Xatto dastlabki jarroxlik va tug’ruqxonasi bo’lgan shifoxona, madaniyat maskani, kasanachilikka asoslangan sanoat tarmoqlari tashkil etildi. Biz davlatimiz va Prezidentimiz g’amxo’rliklarini har nafasda xis qilib turamiz.
Viloyat hokimi Shuhrat G’aniyev Shohimardon aholisi vakillari bilan uchrashuv chog’ida sayyohlik tizimi koronavirus tufayli zarar ko’rgan bo’lsada, bu sohada mehnat qilayotganlar moddiy jihatdan qo’llab-quvvatlanishini aytdi.
Shundan so’ng hokim bilan olib kelingan 2300 qop un, 2300 ta 5 litrli yog’ Shohimardon va Yordon qishlog’i aholisiga bepul tarqatildi.
Yordon MFYda 572 xonadon bo’lib, unda 789 oila 2341 nafar fuqaro yashaydi.
- Agar bir xonadonda 2-3 oila bo’lsa, 2-3 qopdan un, 2-3 tadan 5 lirli yog’ bepul berildi, - deydi Qobiljon ota Kengashev. – Ko’nglimizni to’q qilib, salkam 1000 qop un va shuncha yog’ni qishlog’imizdagi xalq omborxonasiga zaxiraga qoldirishdi. Zarurat tug’ilganda ehtiyojmand oilalarga berilar ekan. Bunday g’amxo’rlikni ota-onadan ko’rish mumkin edi. Prezidentimiz xalqimizga, biz shohimardonliklarga haqiqiy otalik qilyaptilar.
Farg’ona viloyati hokimligi Axborot xizmati
Facebook, Telegram, Veb sayt, YouTube