1. Bosh sahifa

Xalq deputatlari Fargʼona viloyat Kengashi QARORI

×

2020 yil 7 dekabr №VI-XXII/116

2-Mirzo Ulug’bek saylov okrugi bo’yicha bo’shab qolgan o’ringa Xalq deputatlari Farg’ona viloyat Kengashi deputati saylovini tayinlash to’g’risida

O’zbekiston Respublikasi “Mahalliy davlat hokimiyati to’g’risida”gi Qonunining 6,24-moddasi, Saylov kodeksining 93-moddasi hamda O’zbekiston Respublikasi Markaziy saylov komissiyasining 2020 yil 26 avgustdagi 1033-sonli qaroriga asosan Xalq deputatlari viloyat Kengashi

Q A R O R  Q I L A D I :

1. O’zbekiston Respublikasi Markaziy saylov komissiyasining 2020 yil 26 avgustdagi “COVID-19 pandemiyasi davrida bo’shab qolgan o’rinlarga deputatlar saylovini o’tkazish tartibi to’g’risidagi nizomni tasdiqlash haqida” gi 1033-sonli qarori rahbarlik va ijro uchun qabul qilinsin.

2. O’zbekiston Respublikasi Markaziy saylov komissiyasining mazkur qarori bilan “COVID-19 pandemiyasi davrida bo’shab qolgan o’rinlarga deputatlar saylovini o’tkazish tartibi to’g’risida”gi Nizom tasdiqlanganligi inobatga olinsin.

3. Xalq deputatlari Farg’ona viloyat Kengashi Reglament va deputatlik odobi masalalari doimiy komissiyasining bo’shab qolgan o’ringa 2021 yil 10 yanvar Yakshanba kuni saylov o’tkazish to’g’risidagi taklifi ma'qullansin.

4. 2-Mirzo Ulug’bek saylov okrugi bo’yicha bo’shab qolgan o’ringa xalq deputatlari Farg’ona viloyati Kengashi deputati saylovi 2021 yil 10 yanvar Yakshanba kuni o’tkazilsin. 

5. Xalq deputatlari Farg’ona viloyati Kengashiga saylov o’tkazuvchi viloyat saylov komissiyasi (E.Nuraliyev) bo’shab qolgan o’ringa bo’lib o’tadigan saylovni O’zbekiston Respublikasi Markaziy saylov komissiyasining 2020 yil 26 avgustdagi 1033-sonli qaror bilan tasdiqlangan Nizom hamda amaldagi qonunchilik asosida adolat va shaffoflikni ta'minlagan holda tashkil etilishini ta'minlasin.

6. Ushbu qaror Xalq deputatlari Farg’ona viloyati Kengashiga saylov o’tkazuvchi viloyat saylov komissiyasiga yuborilsin.

7. Mazkur qaror matbuotda e'lon qilinsin.

Sessiya raisi  T.Xoldorov.