Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
YUKSAK MAQSADLARGA CHORLAR QO’NG’IROQ
2017-05-29 19:32:01 78
Viloyatimizdagi barcha umumta’lim maktablarida bo’lib o’tgan “Xayr, maktab – salom kollej!” shiori ostidagi tadbirlar bitiruvchilar uchun yangi va sururli davrning o’ziga xos debochasi bo’ldi
25 may. Dunyo imoratlari ichida eng ulug’i sanalmish maktab o’zining ilmu ma’rifat nurlaridan bahramand etgan yigit-qizlarini bugun yuksak hayot, katta maqsadlar sari yo’llamoqda. So’nggi qo’ng’iroq baland parvozlarga shaylangan yoshlar uchun kelajak bongi bo’lib jarangladi.
Joriy o’quv yilida viloyatimizdagi 915 ta umumta’lim maktablarini 46069 nafar o’quvchilar tamomlab, ta’limning keyingi muhim bosqichi –o’rta maxsus, kasb-hunar ta’limiga yo’l olishayotir. Ularni 9 ta akademik litsey, 147 ta kasb-hunar kollejlariga to’liq qamrab olishga erishish orqali yoshlarni kasb-hunar va ilm-ma’rifat sirlarini puxta o’rganishlariga keng yo’l ochilishi muqarrardir.
Ustoz va murabbiylar, faxriylar, ota-onalar, keng jamoatchilik vakillari ishtirokidagi bitiruv tadbirlarida o’quv yillari davomida samarali yutuqlarga erishgan, tanlov va sport musobaqalari, fan olimpiadalarida g’oliblikni qo’lga kiritgan, faol va intiluvchan o’quvchilarga “Faxriy yorliq”lar, ularning ota-onalariga “Tashakkurnoma”lar taqdim etildi.
Marosimdan so’ng bitiruvchilar viloyatimizdagi akademik litsey va kasb-hunar kollejlarida tashkil etilgan “Ochiq eshiklar kuni”ga tashrif buyurib, o’zlari qiziqqan mutaxissisliklar bo’yicha tanlovlarini belgilab oldilar.
Shu kuni “Kamolot” yoshlar ijtimoiy harakati viloyat Kengashi tomonidan Farg’ona shahridagi Al-Farg’oniy nomli istirohat bog’ida barcha bitiruvchilar sharafiga tantanali tadbir o’tkazildi.
Mazkur bayram viloyatimizning 76 ta ta’lim muassasida tashkil etilgan ma’naviy-ma’rifiy tadbirlarning yakuni sifatida o’quvchilarga yoshlikka xos shijoat va jo’shqinlik kayfiyatini ulashdi. Istirohat bog’ining yozgi amfiteatrida musiqiy-madaniy dastur namoyish etilib, joriy o’quv yilini muvaffaqiyatli tamomlayotgan o’quvchilar, “Kamolot”dan so’nggi qo’ng’iroq” loyihasida faol ishtirok etgan bitiruvchilar munosib taqdirlanishdi.
Qalbiga ilm chirog’ini yoqqan ustozlaridan minnatdorlik, ta’lim va tarbiyaning muqaddas koshonasi – ona maktabiga bir umrlik ehtirom va’dasi bilan xayrlashayotgan o’g’il-qizlarga Vatan va istiqlol berajak imkonlar bisyordir. So’nggi qo’ng’iroq jarangi bilan katta maqsad va yuksak orzular sari qo’yilgan qadam o’z egalarini barkamollik va porloq istiqbol tomon etaklayversin!
