Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
“NEFTCHI” RAHBARIYATIDA O’ZGARISHLAR
2017-06-05 15:33:05 71
Bir vaqtlar mamlakatning besh karra chempioni va kubok sohibi bo’lgan Farg’onaning “Neftchi” jamoasi 2017 yil mavsumida o’z o’yinini topa olmayapti.
Oliy liga jamoalari o’rtasida o’tkazilgan 12 ta rasmiy uchrashuvda 36 imkoniyatdan faqat 10 ochko jamg’arib, turnir jadvalida 15-o’ringa tushib qolganligi ana shundan dalolat berib turibdi.
Viloyat futbol federatsiyasi jamoada ahvolni o’nglash maqsadida rahbariyatni yangilashga majbur bo’ldi.
Jamoa boshlig’i Rustam Abdullaev, katta murabbiy Murodjon Ismoilov iste’foga chiqarildi. Bosh murabbiy Andrey Fyodorovga jamoaning imkoniyatlaridan oqilona foydalanish, tarkibni iqtidorli yoshlar bilan to’ldirish yuzasidan aniq vazifa-topshiriqlar berildi. Hozirgacha viloyat futbol federatsiyasi vitse prezidenti lavozimida ishlab kelgan Tohir Kapadze “Neftchi” jamoasining boshlig’i etib tayinlandi. Ahvolni o’nglash uchun bir vaqtlar O’zbekiston milliy terma jamoasini boshqargan Vadim Abramov Farg’onaga taklif etildi.
Bu o’zgarishlar jamoa faoliyatiga ijobiy ta’sir ko’rsatishi aniq. “Neftchi” O’zbekiston kubogi musobaqalarida Namanganning “Navbahor” jamoasidan ustun kelib, chorak finalga yo’llanma olganligini dastlabki qutlug’ qadam deyish mumkin.
