Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
OROMGOHLAR MAVSUMGA TAYYORMI?
2017-06-05 15:33:56 78
O’quv yilini tamomlab, yozgi ta’tilga chiqqan bolalar kutgan lahzalar ham etib keldi. Endilikda ular ta’tilni maroqli o’tkazish va miriqib hordiq chiqarish uchun oromgohlarga yo’l oladilar.
Joriy yilda 138 ta oromgohlarda 32 ming 100 nafar bolalar sog’lomlashtirilishi rejalashtirilgan. Buning uchun 4 mlrd 989,3 mln so’m mablag’ sarflanishi belgilangan.
Oromgohlar mavsum davomida yoshlar o’rtasida kitobxonlikni targ’ib qilish maqsadida 18 mingdan ziyod ilmiy-badiiy adabiyotlar bilan ta’minlandi. “O’zbekkino” milliy agentligi viloyat bo’limi tomonidan bolalar uchun yaratilgan kinofilmlar ro’yxati shakllantirilib, taqdim qilindi.
Mavsumni ko’ngilli o’tkazish, har bir oromgohda xavfsizlik, yo’l harakati va yong’in xavfsizligini ta’minlash hamda jamoat tartibini saqlash maqsadida viloyat IIB tomonidan 2 nafardan ichki ishlar idoralari xodimlari biriktirilib, nazoratga olindi. Oromgohlar talabidan kelib chiqib, hududlar va smenalar kesimida tibbiyot xodimlari, shifokorlar ro’yxati shakllantirildi. 50 mln so’mlik dori-darmon zahirasi yaratildi.
“Nafosat”, “Nihol”, “Koinot”, “Rohat”, “Kimyogar” singari bolalar oromgohlarida mavsumga jiddiy hozirlik ko’rildi. Ma’muriy bino, oshxona, kutubxona, ma’naviyat xonalari ta’mirdan chiqarilib, zarur jihozlar bilan ta’minlandi.
O’zbekiston Respublikasi Vazirlar Mahkamasining 2017 yil 23 martdagi “2017 yilning yoz mavsumida bolalarni dam oldirish va sog’lomlashtirishga tayyorgarlik ko’rish hamda mavsumni yuqori saviyada o’tkazish bo’yicha amalga oshiriladigan ishlar to’g’risida”gi yig’ilish bayoni qarori asosida oromgohimiz mavsumga shay holga keltirildi, – deydi Farg’ona neftni qayta ishlash zavodi tasarrufidagi “Tong” oromgohi rahbari Qaxramonjon Valiev. – Oromgohning 2 ta yotoq binosi ta’mirlandi. Ma’naviyat honasi ko’rgazmali qurollar bilan jihozlandi. Ular mavsum davomida 300 nafardan ziyod bolalarga xizmat qiladi.
Ammo ayrim oromgohlarning hali ham mavsumga tayyor emasligi bu borada sustkashlikka yo’l qo’yilayotganligidan dalolatdir. Jumladan, “O’zbekiston temir yo’llari” AJ tizimidagi Farg’ona mexanika zavodi sho’’ba korxonasi tasarrufidagi “Xumo” bolalar oromgohi mavsumda 980 nafar bolalarni bag’riga oladi. 17-18 may kunlari obodonlashtirish ishlari o’tkazilgan. Hozirda oromgohda Farg’ona mexanika zavodi ShK tomonidan qurilish-ta’mirlash ishlari olib borilyapti. Ammo yuvinish xonasi, xojatxonalarda ishlar yakuniga etgani yo’q.
Oltiariq tumani xalq ta’limi muassasalari faoliyatini metodik ta’minlash va tashkil etish bo’limi tasarrufidagi “Yulduz” bolalar oromgohi bino va inshootlarini chidamlilik holati bo’yicha viloyat Davlat arxitektura va qurilish nazorati inspektsiyasi, viloyat IIB, favqulodda vaziyatlar boshqarmasi va viloyat DSENM mutaxassislari xulosalariga asosan faoliyat yuritishi maqsadga muvofiq emas, deb topilgan. Shu sababli oromgoh tumanning Povulg’on qishlog’ida joylashgan 38-umumta’lim maktabida tashkil etilishi rejalashtirilgan. O’rganishlar davomida muassasada bolalarning dam olishi uchun zarur sharoit borligi hisobga olinib, iyun oyiga qadar mavsumga tayyorgarlik ishlarini yakunlash belgilangan edi. Ammo yotoqxonani jihozlash ishlari oxirgi etkazilmadi.