Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
ENG YAXSHI AXBOROT KUTUBXONA MARKAZI
2017-08-21 12:03:20 119
Ahmad al-Farg’oniy nomidagi viloyat axborot kutubxona markazida “Eng yaxshi axborot-kutubxona markazi” va “Axborot-kutubxona markazining eng yaxshi mutaxassisi” ko’rik-tanlovining respublika bosqichi bo’lib o’tdi.
Unda respublikamiz viloyatlari va Qoraqalpog’iston Respublikasining 14 ta jamoalari ishtirok etdi.
– Kutubxonamiz fondida 300 mingga yaqin adabiy-badiiy, ilmiy adabiyotlar mavjud, – deydi Abu Ali Ibn Sino nomidagi Buxoro axborot-kutubxona markazi direktori Zevar Salimova. – Kutubxonamizda joriy yil davomida kitobxonlarga masofadan turib xizmat ko’rsatish, ijtimoiy ta’minotga muxtoj 100 nafardan ziyod a’zolarimizga markaz xodimlari tomonidan uyiga etkazib berish singari qulayliklar yaratilgan.
O’zbekiston Respublikasi Prezidentining “Kitob mahsulotlarini chop etish va tarqatish tizimini rivojlantirish, kitob mutolaasi va kitobxonlik madaniyatini oshirish hamda targ’ibot qilish bo’yicha komissiya tuzish to’g’risidagi”gi farmoyishi bizlarni yanada mas’uliyat bilan izlanishga undadi, – deydi Alisher Navoiy nomidagi Sirdaryo AKM mutaxassisi Surayyo Ermanova. – Farmoyish doirasida “Kitob insoniyatni qutqaradi” aktsiyasi, “Kitobxon shou” o’tkazildi. 100 nafardan ziyod uyushmagan yoshlar o’rtasida tushuntirish targ’ibot tadbirlari o’tkazilib, ularga kitoblar tarqatildi, kutubxona a’zoligiga qabul qilindi.
Tanlov yakunida shartlar asosida hakamlar hay’ati tomonidan g’oliblar aniqlandi. Birinchi o’rin Farg’ona viloyat, ikkinchi va uchinchi o’rinlar Andijon viloyati va Toshkent shahri axborot-kutubxona markazi jamoalariga nasib qildi.
Shu bilan birga, “Axborot–kutubxona markazining eng yaxshi mutaxassisi” ko’rik-tanlovida Ahmad al-Farg’oniy nomidagi AKM mutaxassisi Diyora Dadajonova taqdirlandi. Tadbirda Alisher Navoiy nomidagi O’zbekiston milliy kutubxona direktor o’rinbosari Umida Teshaboeva, Respublika axborot kutubxona markazi direktori Alisher Otaqo’ziev ishtirok etdi.