Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
VODIY JURNALISTLARI MALAKASI OShIRILDI
2017-09-21 09:22:25 73
“Farg’ona haqiqati” gazetasi majlislar zalida Xitoyning “Huawei” kompaniyasining mamlakatimizdagi faoliyati bilan yaqindan tanishtirish maqsadida Andijon, Namangan, Farg’ona viloyatlari jurnalistlari uchun seminar-trening tashkil etildi.
Korxona matbuot kotibi Davron Azizov axborot kommunikatsiya tizimida olib borilayotgan yangiliklar, aholiga taqdim etilayotgan texnologiyalarning sifati va taklifi, korxona innovatsion loyihalari va tadqiqotlari haqida atroflicha tushuncha berdi.
Ta’kidlanganidek, kompaniya iqtidorli yoshlarni qo’llab-quvvatlashga alohida ahamiyat qaratib kelmoqda. Yoshlar o’rtasida “Elektron ta’lim”, “Smart Class” loyihalari o’quvchilarning yangicha yondoshuvda bilim olishlari, kompyuter bilan ishlash tizimini puxta o’zlashtirish, ta’lim samaradorligini oshirishga xizmat qilmoqda. “Kelajak nihollari” loyihasi doirasida oliy o’quv yurtidagi dastur yaratayotgan, texnologiyalar sohasida yangiliklarga qo’l urayotgan eng iqtidorli talabalar kompaniya stipendiyalari bilan taqdirlanmoqdalar.
Kompaniya O’zbekistonda salkam 20 yildan buyon faoliyat ko’rsatib kelmoqda. Bu vaqt davomida poytaxtdagi barcha matbuot va bosma ommaviy axborot vositalari bilan hamkorlikda ish olib borildi. Ular ko’magida tushuntirish-targ’ibot ishlari amalga oshirildi. Respublikaning chekka hududlari, shahar, tumanlarda ham faoliyat ko’rsatayotgan jurnalistlar bilan hamkorlik asosida aholiga korxona yangilik va axborotlarini etkazish maqsadidamiz, – deydi matbuot kotibi D.Azizov.
Tadbir davomida “Maslov PR Tashkent” agentligi direktori Barno Nazarzoda, mutaxassis Sevil Sakaeva tomonidan PRning jurnalistikadagi ahamiyati, tashkilot matbuot kotiblari bilan ishlash tizimi, o’zaro hamkorlikda sohalarda bo’layotgan o’zgarishlarni ommaviy axborot vositalarida keng yoritish masalalari muhokama qilindi. Jurnalistlarning zamonaviy axborot texnologiyalar bilan ishlash samaradorligini oshirish, tahririyatlarda internet tizimini rivojlantirish, saytlarda xalqaro tillarda axborot uzatish sharoitini yaratish kerakligi ta’kidlandi. Shu bilan birga ayrim jurnalistlar tomonidan mavzuga ijodkorona yondoshmay faqatgina press-reliz bilan cheklanib qolinayotgani ko’chirmakashlik oqibatlari, mavzular bir xilligi jiddiy tanqid qilindi.
Trening so’ngida kompaniya tomonidan “Telekommunikatsiya va mobil texnologiyalar sohasidagi eng yaxshi material” tanlovi e’lon qilindi.
Ishtirokchilar o’zlarini qiziqtirgan savollarga javob oldilar.