Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Saytni baholash
MAHALLADA SOG`LOM MUHITNI TA’MINLAYLIK!
2017-12-02 11:50:18 106
Farg`ona shahridagi Tadbirkorlar markazida mahalla fuqarolar yig`inlari raislari, mahalla maslahatchilari, profilaktika inspektorlari, umumta’lim maktablari direktorlari ishtirokida tadbir bo’lib o’tdi.
O’zbekiston Respublikasi IIV huquqbuzarliklarni oldini olish profilaktikasi bosh boshqarmasi boshlig`i o’rinbosari, podpolkovnik Muhammadjon Ismoilov huquqni muhofaza etuvchi organlar, hokimiyat va keng jamoatchilik bilan hamkorlikda jinoyat sodir etilishiga sabab bo’layotgan kamchiliklarni bartaraf etish, jamoatchilik nazoratini kuchaytirish xususida so’z yuritdi.
Farg`ona shahar hududida joriy yilning 10 oyi davomida jinoyatchilikka qarshi kurash, uning oldini olish, jamoat tartibi va fuqarolar xavfsizligini ta’minlash borasida amalga oshirilgan ishlar tahlil qilindi.
Shaharda mavjud 70 ta o’zini o’zi boshqarish organlarining 26 tasida jinoyatchilik oshgan. 33 tasida kamaygan, mahallalarning atigi 3 tasida jinoyat sodir etilmagan.
Namangan viloyatining “Orzu” mahallasi ish uslubi bo’yicha profilaktik tadbirlar belgilangan bo’lsa-da, jinoyat sodir etishga moyil shaxslar va profilaktik hisobda turuvchilarni ijtimoiy hayotga ko’niktirish, ularni sog`lom turmush tarziga qaytarish borasida etarlicha ishlar olib borilmagan. Og`ir turdagi jinoyatlar 172 ta bo’lib, o’tgan yilga nisbatan 13 taga ko’p. Og`ir tan jarohati etkazish, bosqinchilik, qotillik ishlarida ayollarning ham borligi mas’uliyatni yanada oshirish, faoliyatni izchil isloh etishni talab qiladi.
Shahar hududidagi 24 ta mahalla fuqarolar yig`inlarida “Jamoatchilik nazorat maskanlari” tashkil etilgan, lekin 46 ta MFYda nazorat maskanlari o’rnatilmaganligi oqibatida hududdagi huquqbuzarliklar oldi olinishiga jamoatchilik vakillari tomonidan e’tibor berilmayapti.
Tadbir davomida Farg`ona shahrining Oq-ariq mahalla fuqarolar yig`inida 27 noyabr kuni ro’y bergan bosqinchilik holati misol qilib keltirildi. Mahalla faollari, profilaktika inspektorlari faoliyati keskin tanqid ostiga olindi. “Mening mahallamda jinoyat sodir etilmasligi kerak” degan maqsad bilan faoliyat yuritish zarurligi tushuntirildi.
Shuningdek, mahallalarda ajrimlarning oldini olish, notinch oilalar bilan targ`ibot ishlarini kuchaytirish, yarashtirish komissiyalarining faoliyatini takomillashtirish haqida to’xtalib o’tildi.
Kamola POLVONOVA.