Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
O`zbekiston Respublikasi Prezidenti Shavkat Mirziyoyev 2018-yil nomini e’lon qildi
2017-12-22 15:17:35 113
Bugun, 22 dekabr kuni poytaxtimizdagi Simpoziumlar saroyida O’zbekiston Respublikasi Prezidenti Shavkat Mirziyoevning O’zbekiston Respublikasi Oliy Majlisiga Murojaatnomasi e’lon qilindi.
Prezident murojaati «O’zbekiston 24» telekanali orqali jonli efirda namoyish etildi.
Bu nufuzli anjumanda Oliy Majlis Senati va Qonunchilik palatasi a’zolari bilan birga, videokonferentsiya aloqa tizimi orqali tuman, shahar va viloyatlardagi mahalliy kengashlarga saylangan xalq deputatlari hamda barcha bo’g`indagi ijro hokimiyati va xo’jalik boshqaruvi organlari rahbarlari, nodavlat tashkilotlar vakillari keng tarkibda ishtirok etdi. Bundan tashqari, mamlakatimizning 33 ta davlatdagi elchilari ham yig`ilishda o’z joylaridan turib ishtirok etdilar.
Murojaatnoma 2017 yilda amalga oshirilgan asosiy ishlar yakuni va O’zbekiston Respublikasini 2018 yilda ijtimoiy-iqtisodiy rivojlantirishning eng ustuvor yo’nalishlariga bag`ishlandi.
Shavkat Mirziyoev yig`ilishda nutq so’zladi. Prezident kirib kelayotgan yangi — 2018 yilni O’zbekistonda «Faol tadbirkorlik, innovatsion g`oyalar va texnologiyalarni qo’llab-quvvatlash yili» deb e’lon qilishni taklif etdi.
O’zbekiston Prezidentining bu taklifi yig`ilganlar tomonidan gulduros qarsaklar bilan qo’llab-quvvatlandi.
«Bu masala bo’yicha ko’p o’yladik, ko’p maslahatlashdik. Yil davomida kelgan ko’plab murojaatlar, fikr-mulohazalar e’tiborga olindi. Ish o’rinlarini yaratmasak odamlar bizdan rozi bo’lmaydi, ko’p muammolar bor yo’l yo’q, svet, gaz yo’q, nogironlar qancha, hammasini yashirib yurdikku? Nom qo’yishda juda o’yladim, natija berishi kerak, chiroyli qilib ko’chaga yozib qo’yish emas bu.
Men yangi – 2018 yilga yurtimizda Faol tadbirkorlik, innovatsion g`oyalar va texnologiyalarni qo’llab-quvvatlash yili , deb nom berishni taklif etaman.
Yangi fikr, g`oya, innovatsiya bo’lmasa, keyingi kunda yuta olmaymiz, har hokim buni bilishi kerak», dedi prezident.
Ma’lumot uchun, O’zbekistonda 1997 yildan boshlab har bir yilga shu davr ichida taraqqiyotning muhim yo’nalishlarini ifoda etadigan nom berish an’anaga aylangan.
Shuningdek, yig`ilishda respublikamizning barcha sohalari jumladan, ijtimoiy-iqtisodiy, bank-moliya, savdo, investitsiya, sud-huquq, qishloq xo`jaligi ta`lim tizimi kabi muhim yo’nalishlari, ularda erishilgan yutuq hamda kamchiliklar va albatta qilinadigan dolzarb vazifalar prezident tomonidan ko’rsatib o’tildi. Yig`ilish ochiq va samimiy ruhda o’tdi.
Yig`ilishning batafsil tafsilotlariga saytimiz orqali yana toxtalib o`tamiz.
