Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ДАНҒАРАДАГИ “ҲУНАРМАНДЛАР МАРКАЗИ”ДА 100 НАФАР ХОТИН-ҚИЗЛАР ИШ БИЛАН БАНД БЎЛАДИ
2021-07-27 09:32:25 362
Бу ҳақда туманда оммавий ахборот воситалари ходимлари, ҳокимлик ва бошқармаларнинг ахборот хизмати раҳбарлари ҳамда блогерлар учун ташкил этилган пресс-тур давомида айтиб ўтилди.
Шу куни журналист ва блогерлар Данғара туманида фойдаланишга топширилиши кутилаётган “Ҳунармандлар маркази” билан танишдилар. Навбаҳор МФЙда Давлат дастури асосида уста-шогирд анъаналарини давом эттириш мақсадида бунёд этилган марказда яратилган шарт-шароитларни кўрдилар.
- Айни кунларда тикувчилик, тўқувчилик ва гиламчилик дастгоҳлари ўрнатилаётган бинода 100 нафардан ортиқ хотин-қизлар учун янги иш ўринлари яратилади. Шунингдек, марказда тадбиркор ва ҳунармандларнинг тайёр маҳсулотларининг кўргазмаси ҳамда савдоси учун алоҳида ўринлар ажратилган, - дейишди туман мутасаддилари.
Пресс-тур якунига етгач, туман ҳокими ҳамда сектор раҳбарлари иштирокида матбуот анжумани бўлиб ўтди. Унда туман ҳокими “Темир дафтар”, “Аёллар дафтари” ҳамда “Ёшлар дафтари”га киритилган фуқароларни дафтарлардан чиқариш ҳамда уларнинг бандлигини таъминлаш бўйича амалга оширилаётган ишлар тўғрисида батафсил маълумот берди.
Туманда “Обод қишлоқ” давлат дастурига киритилган Таптиқсарой ҳамда Урганжи МФЙларда амалга оширилаётган қурилиш ҳамда жорий таъмирлаш ишларига ҳам алоҳида тўхталиб ўтилди.
Матбуот анжумани давомида оммавий ахборот воситалари ходимлари ўзларини қизиқтирган саволларга сектор раҳбарлари томонидан атрофлича жавоблар олдилар.
Данғара тумани ҳокимлиги
Бизни ижтимоий тармоқларда кузатинг
Facebook,
Telegram,
Facebook,
YouTube
