Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
ЭКОШАҲАРДА БАРПО ЭТИЛАЁТГАН КЎП ҚАВАТЛИ ТУРАР-ЖОЙЛАРГА ДАСТЛАБКИ ҒИШТ ҚЎЙИЛДИ
2022-04-04 12:53:00 62
Бугун вилоят ҳокими Хайрулло Бозоров вилоят секторлари раҳбарлари ва жамоатчилик вакиллари билан бирга Фарғона шаҳридаги “Янги Ўзбекистон” массивлари туркумига кирувчи Экошаҳарда биринчи ғишт қўйиш маросимида иштирок этди.
Вилоят марказида 300 гектар майдонда 40 минг аҳолига мўлжалланган йўлдош шаҳарчани бунёд этиш ишлари жадал амалга оширилмоқда. Икки ой аввал котлован қазиш ва пойдевор учун бетон қуйиш ишлари бошланган Экошаҳарда бугунги кунда 58 та кўп қаватли уйнинг пойдевор бетони якунланиб бормоқда. Булардан дастлабкисида бугун биринчи ғишт қўйиш тадбири ўтказилди.
Жорий йил якунига қадар жами 114 та кўп қаватли турар-жой барпо этиш режалаштирилган. Бинолар қурилиши жараёнларида иштирок этишга маҳаллий тадбиркорлар билан бирга Туркия, Эрон, Покистон, Япония ва Жанубий Корея инвесторлари ҳам катта қизиқиш билдиришмоқда. Хорижий компаниялардан биринчиси – Туркиянинг “BTC Yapı A.Ş” компанияcи Фарғонада ўз филиалини очди ва яқин кунларда 18-25 қаватли бинолар қурилишига киришади.
Айни кунларда йўл, электр таъминоти, сув, канализация тармоқлари тортиш билан боғлиқ масалалар ҳам жадал ҳал этилмоқда. Экошаҳар ҳудудида ташкил этилаётган 70 гектарлик “Янги Ўзбекистон” боғида ҳам дарахт экиш ишлари деярли якунланиб, яқин муддатда ландшафт дизайни ва чим экиш бўйича амалий ишларга бошланади.
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram
