![](https://fergana.uz/uploads/sdfsdfsdfsdfsdfsdafsfdasdf.jpg)
Фарғона вилояти ҳокими
Бозаров Хайрулло Хайитбаевич
![](https://fergana.uz/images/img/flag-gerb.gif)
.
.
Сайтни бахолаш
Ишонч телефонига берилган бахолар
ФАРҒОНАДА ЗАМОНАВИЙ ҚУРИЛИШ ТЕХНОЛОГИЯЛАРИ ВА ЯНГИ ТУРДАГИ ҚУРИЛИШ МАТЕРИАЛЛАРИ БЎЙИЧА КЎРГАЗМА-СЕМИНАР БЎЛИБ ЎТДИ
![](https://fergana.uz/uploads/bot/6fd0115645fca07da78d1.jpg)
2023-05-24 19:08:31 159
Вазирлар Маҳкамаси ташаббуси билан Қурилиш ва Уй-жой коммунал хўжалиги вазирлиги, “Ўзмахсусмонтажқурилиш” АК ҳамда вилоят ҳокимлиги ҳамкорлигида Фарғона шаҳридаги “Кимёгарлар” саройида ташкил этилган тадбирга қурилиш ва лойиҳа ташкилотлари раҳбарлари ҳамда соҳа мутахассислари жалб этилди.
Асосий мақсад сифатли ва арзон қурилиш материалларини таништириш, ишлаб чиқарувчилар ва истеъмолчилар ўртасида алоқани мустаҳкамлашдан иборат бўлган кўргазмада 50 дан зиёд компания ва фирмалар қатнашдилар. Ўзларининг юқори технологияли, замонавий ва энергия тежамкор маҳсулотларига эга Туркия, Хитой, Россия, Германия, Жанубий Корея, Австрия, Беларусь каби давлатлар компаниялари ва юртимиздаги ишлаб чиқарувчилар ўз маҳсулотларини намойиш қилдилар.
Қуруқ аралашмалар, лок-бўёқ, гипс ва гипсокартон маҳсулотлари, газ истеъмолини ҳисобга олиш приборлари, профнастил, металл плитка, керамика, кичик ҳажмли (мини) оқова сув иншооти ускуналари, замонавий иситиш қозонлари, қурилиш ишлари учун мўлжалланган махсус кийимлар каби кўплаб турдаги маҳсулотлар ярмаркадан жой олди.
Семинарда сўз олганлар Президентимиз раҳбарлигида иқтисодиётнинг турли соҳаларида амалга оширилаётган кенг кўламли ислоҳотлар натижасида қурилиш саноати жадал ривожланаётгани ҳақида тўхталиб ўтдилар.
Қурилиш маҳсулотлари ишлаб чиқаришга ихтисослаштирилган компания ва фирмалар сони ортиб, эндиликда илгари четдан олиб келинган қурилиш материалларини ишлаб чиқаришни ўзлаштириш орқали фаол маҳаллийлаштириш жараёнига ҳам ўтилгани алоҳида таъкидланди.
Кўргазма-семинар доирасида қурилиш материаллари соҳасида қайта ишлаш ва юқори технологияли корхоналарни ривожлантиришга бағишланган бизнес-семинар ва тақдимотлар ўтказилиб, қурилиш саноатини янада ривожлантириш истиқболлари муҳокама қилинди.
![](https://telegra.ph/file/6fd0115645fca07da78d1.jpg)
![](https://telegra.ph/file/88277b3f218032bb15206.jpg)
![](https://telegra.ph/file/6cdb67b5294b0b4d426d5.jpg)
![](https://telegra.ph/file/43d32429d57e9fdd2866e.jpg)
![](https://telegra.ph/file/9eccddcf085de94453f3f.jpg)
![](https://telegra.ph/file/1adc811281a63f7375492.jpg)
![](https://telegra.ph/file/0cfb57e717799db3fcbd4.jpg)
![](https://telegra.ph/file/01d8bebef903bab8ab3fa.jpg)
![](https://telegra.ph/file/979fd33a00c5bdfa2f0f9.jpg)
![](https://telegra.ph/file/9ebb12d1d2e205257addd.jpg)
Бизни ижтимоий тармоқларда кузатинг
Facebook,
Telegram,
Facebook,
YouTube,
Instagram