Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Сайтни бахолаш
Ишонч телефонига берилган бахолар
Ахборот хизмати: “БИР МАКОН-БИР ЙЎЛ” ХАЛҚАРО ФОРУМИ ФАРҒОНА ВИЛОЯТИ УЧУН САМАРАЛИ КЕЧМОҚДА
2019-04-26 14:33:36 56
Жорий йилнинг 25-27 апрель кунлари Хитой Халқ Республикасининг “Бир макон-бир йўл” 2- Халқаро форумига таклиф этилган Фарғона вилояти ҳокими Шуҳрат Ғаниев ва делегация аъзолари 26 апрель куни форум доирасида ўтказиладиган “Регионлар аро ҳамкорлик” мавзусидаги конференцияда иштирок этдилар. Ушбу конференцияда Германиянинг собиқ президенти жаноб Kristian Wulf, Пекин шаҳрининг ҳокими жаноб Chen Jining, ХХРнинг Дўст давлатлар ассоциацияси раҳбари Shi Yuan хоним, Калифорния штатининг вице-губернатори Eleni Kounalakis каби йирик давлат арбоблари ва сиёсатчилар иштирок этдилар. Конференция доирасида “Бир макон-бир йўл” ташаббусини амалга оширишда ҳудудлар аро иқтисодий, ижтимоий, маданий, таълим соҳасида ҳамкорликнинг афзалликлари, бугунги кунгача қўлга киритилган ютуқлар ва истиқболлар тўғрисида экспертларнинг чиқишлари бўлиб ўтди. Учрашув якунидан сўнг вилоят ҳокими Ш.Ғаниев Хубей телевидениеси ва бошқа қатор телевидениеларга Фарғона вилоятининг бугунги кундаги ХХР республикаси ҳамда Хубей провинцияси билан ўрнатилган алоқалари ва мазкур форум тўғрисида ўз фикрлари билан ўртоқлашиб интервью берди.
Шу куни Фарғона вилояти ҳокими Ш.Ғаниев бошчилигидаги делегация аъзолари ХХРнинг «Shanxi Zhongya Building Material Co. Ltd.» компанияси билан музокаралар ўтказдилар. Музокаралар натижасида ушбу компания Фарғона вилоятига 3 йил давомида қурилиш материаллари, кўмир конини ўзлаштириш ва муқобил энергия ишлаб чиқариш лойиҳаларини амалга ошириши учун 150 млн АҚШ доллари миқдорида сармоя киритишга келишиб олинди ва англашув меморандуми имзоланди.