1. Бош сахифа

КОРЕЯНИНГ ПХЁНТХЭК ШАҲРИ МЭРИ ЧАН ЧЖОН СОН БОШЧИЛИГИДАГИ ДЕЛЕГАЦИЯ ФАРҒОНАГА КЕЛДИ

×

Кореянинг Пхёнтхэк шаҳри мэри Чан Чжон Сон бошчилигидаги расмийлар ва тадбиркорлардан иборат делегация икки кунлик амалий ташриф билан бугун Фарғонага келди. Ушбу ташрифдан кўзланган мақсад – Фарғона вилояти ва Кореянинг йирик саноат маркази бўлган Пхёнтхэк шаҳри ўртасида ўзаро савдо ва иқтисодий алоқаларни ривожлантириш, ижтимоий-маданий соҳаларда ҳамкорликни йўлга қўйишдан иборат.

Вилоят ҳокими бошчилигидаги Фарғона вилояти расмийлари ҳамда тадбиркорларидан иборат делегация жорий йил 27-30 март кунлари Корея Республикасига ташрифи давомида Пхёнтхэк шаҳрида бўлиб, шаҳар мэри Чан Чжон Сон билан музокаралар ўтказилганди. Шунингдек, Пхёнтхэк шаҳри Саноат ва Тижорат палатасида бўлиб ўтган Палата раҳбарлари ҳамда маҳаллий тадбиркорлар билан учрашувда Фарғона вилоятининг иқтисодий-инвестицион салоҳияти ҳақида маълумотлар тақдим этилганди. Бугунги ташриф, дастлабки мулоқотда эришилган келишувларнинг ҳаётга тадбиқ этиш йўлидаги амалий қадам бўлиши кўзда тутилган.

Пхёнтхэк шаҳри делегацияси аъзолари дастлаб “Само” спорт мажмуасида ташкил этилган вилоятда ишлаб чиқарилган маҳсулотлар ҳамда миллий ҳунармандчилик кўргазмаси билан танишдилар.

Меҳмонлар енгил саноат, текстиль, озиқ-овқат саноати, қишлоқ хўжалиги, машинасозлик, қурилиш материаллари саноати, чарм-пойабзал саноати каби соҳалардаги вилоятнинг илғор компаниялари стендларини айланишди. Корея сармояси иштирокидаги қўшма корхоналарда ишлаб чиқарилаётган маҳсулотлар алоҳида эътибор тортди.

Бизни ижтимоий тармоқларда кузатинг
Facebook, Telegram, Facebook, YouTube, Instagram