Фарғона вилояти ҳокими
Бозаров Хайрулло Хайитбаевич
Оилавий тадбиркорликни ривожлантириш мақсадида ажратиладиган имтиёзли кредит ҳисобидан фуқароларга маҳсулот етказиб берувчи таъминотчи корхоналарнинг рўйхати
.
.
Фарғона вилояти инвестицион салоҳияти
Сайтни бахолаш
Ишонч телефонига берилган бахолар
САВОЛГА ЖАВОБ, МУАММОГА ЕЧИМ АЛБАТТА ТОПИЛАДИ
2020-12-19 17:13:11 85
Вилоят ҳокими Хайрулло Бозаров аҳолининг барча қатламлари билан тўғридан-тўғри мулоқотни кенгайтириш, мавжуд долзарб муаммоларни ўз жойида аниқлаш ва бартараф этиш мақсадида Фарғона шаҳрида сайёр қабул ўтказди.
Фарғона шаҳар Шарқий ҳарбий округ маънавият ва маърифат марказида ташкил этилган тадбирда шаҳар ҳокимлигининг мутасадди раҳбарлари ва давлат идоралари раҳбарлари, сектор раҳбарлари ва ОАВ вакиллари иштирок этишди.
Сайёр қабулда 130 нафардан ортиқ фуқаролар иштирок этиб, уларнинг мурожаатлари, ўз ечимини кутаётган 150 та масалалари кўриб чиқилди. Таъкидлаш жоизки, сайёр қабулда ҳеч бир мурожаат эътиборсиз қолдирилмади. Фуқаро томонидан билдирилган масала мурожаатлар рўйхатига олиниб, бажарилиш муддатлари белгилаб берилди.
Вилоят ҳокими сайёр қабул давомида уй-жой ва ер масаласи, моддий ёрдам кўрсатиш, иш ва иш ҳақи, тадбиркорлик ва имтиёзли кредит ажратиш каби ўнлаб масалаларга аниқ ва тезкор чоралар кўриш бўйича тегишли идора раҳбарларига топшириқлар берди.
- Саволга жавоб, муаммога ечим албатта топилади. Фақат фуқароларимиз ҳам, ижро органларимиз ҳам муаммонинг ичига кириб, амалда ҳал этиш чорасини топсалар кифоя, - деди вилоят ҳокими Хайрулло Бозаров.
Бундай сайёр қабулларда кўплаб муаммолар ижобий ҳал этилмоқда. Қувонарлиси, халқимизнинг ҳуқуқий маданият юксалиб бормоқда, мурожаатларда ўз манфаати учунгина эмас, жамият учун нафи тегадиган таклиф ва масалаларнинг борлиги бундан далолат бериб турибди.
Фарғона вилояти ҳокимлиги
