1. Bosh sahifa

VILOYAT HOKIMI 31 NAFAR BITIRUVCHILARINING 29 NAFARI OTM TALABASIGA AYLANGAN OLTIARIQ TUMANIDAGI 1-IDUMNING 1-SINF O’QUVCHILARIGA PREZIDENT SOVG’ALARINI TOPSHIRDI

×

Viloyat hokimi Xayrullo Bozorov, Oltiariq tumanidagi 1-ixtisoslashtirilgan davlat umumta'lim maktabida tashkil etilgan “Birinchi qo’ng’iroq” tadbirida ishtirok etdi va maktabning 1-sinf o’quvchilariga Prezident sovg’alarini topshirdi.

O’qituvchi va o’quvchilarni yangi o’quv yili bilan qutlagan viloyat hokimi, 31 nafar bitiruvchilarining 29 nafari OTM talabasiga aylangan ushbu o’quv dargohini muvaffaqiyatlar bilan tabrikladi.

Bu yil ilk bor maktabga qadam qo’ygan o’quvchilarga hokim tomonidan viloyatdagi umumta'lim maktablarining 1-sinflariga borgan 62839 nafar o’g’il-qiz qatori Prezident sovg’alari taqdim etildi.

Xayrullo Bozorov, 2020 yil sentyabrda Farg’ona viloyati hokimi etib tayinlangach, o’z faoliyatining ilk kunlarida viloyatda o’z o’rniga ega ushbu ta'lim muassasasi faoliyati bilan tanishish uchun tashrif buyurgandi. O’rganish jarayonida maktabga qo’shimcha o’quv korpusi lozimligi aniqlanib, viloyat hokimining ko’rsatmasi bilan mahalliy byudjet hisobidan qurilish ishlari uchun 2,5 milliard so’m, jihozlash uchun 580 million so’m mablag’ ajratildi va 200 o’rinli yangi korpus qurib bitkazildi. Kelgusi haftagacha jihozlash ishlari yakunlanib, o’quvchilar yangi sinf xonalarida o’qishni davom ettirishlari rejalashtirilgan.

Bizni ijtimoiy tarmoqlarda kuzating
Facebook, Telegram, Facebook, YouTube