Farg'ona viloyati hokimi
Hayrullo Hayitbayevich Bozarov
Oilaviy tadbirkorlikni rivojlantirish maqsadida ajratiladigan imtiyozli kredit hisobidan fuqarolarga mahsulot yetkazib beruvchi ta'minotchi korxonalarning ro'yxati
.
.
Farg'ona viloyati investitsion salohiyati
Saytni baholash
OLTIARIQ UZUMI ITALIYA TEXNOLOGIYASI YORDAMIDA QADOQLANIB, EKSPORT QILINMOQDA
2022-10-13 14:49:01 67
Oltiariq tumanida 3 ming 500 gektar uzumzorlar bo’lib, joriy yilda uzum eksporti hajmi 30 ming tonnadan oshishi kutilmoqda.
Qish-bahor mavsumida ham ichki bozorga uzum yetkazib berish, eksport salohiyatini oshirish maqsadida tumanda 68 ming 800 tonna sig’imga ega 83 ta muzlatgichli omborxonalar tashkil etilgan.
Yaqinda tumandagi “Qapchug’ay mevalari” agrofirmasida Italiyadan zamonaviy qadoqlash texnologiyasi olib kelib o’rnatildi. Hozirda Oltiariq uzumi ixcham qutilarga qadoqlangan holda eksportga jo’natilmoqda. Bu mevani sifatli saqlash, chiroyli ko’rinishga ega bo’lishini ta'minlash hamda tashishga yaroqlilik muddatini oshirish imkonini beradi.
Yangi loyihaning ishga tushirilishi natijasida 10 dan ortiq doimiy ish o’rinlari yaratildi. Shuningdek, talab va ehtiyojga qarab mavsumiy ishchilar ham jalb etiladi.
- Mahsulotning bozorda o’z o’rniga ega bo’lishi, xaridorgirligini oshirishda uning ko’rinishi, sifati va dizayni muhim ahamiyatga ega, - deydi tadbirkor Husanboy Sanginov. - Uzum o’rtacha 0,8-1 kg hajmda qadoqlanishi xaridorlarga manzur bo’lmoqda. Bunda mahsulot sifati borasida unda hech qanday ikkilanish bo’lmaydi.
Ta'kidlash kerakki, loyiha tashabbuskorlari ushbu tajriba yaxshi samara bersa, ish hajmi va ko’lamini oshirish, shuningdek, erta bahordan gilos, shaftoli, o’rik singari sarxil mevalarni ham Italiya texnologiyasi yordamida qadoqlagan holda eksportga chiqarishni rejalashtirmoqdalar.
Bizni ijtimoiy tarmoqlarda kuzating
Facebook,
Telegram,
Facebook,
YouTube,
Instagram
