1. Bosh sahifa

QUVASOYDA 40 MLN. DOLLAR XITOY INVESTITSIYASI HISOBIGA PREMIUM SIFATDAGI KERAMOGRANIT PLITALARI ISHLAB CHIQARISH ZAVODI QURILISHI BOSHLANDI

×

Viloyat hokimi Xayrullo Bozorov Xitoyning “Crown ceramic” kompaniyasi direktori Syan Chen Ganni qabul qildi.

Uchrashuvda Xitoy kompaniyasining to’g’ridan to’g’ri 40 mln. dollar investitsiyasi hisobiga Quvasoy shahrida barpo etishga kirishilgan premium sifatdagi keramogranit plitalari ishlab chiqarish zavodi loyihasini amalga oshirish bilan bog’liq masalalar muhokama qilindi.

Ushbu loyiha viloyat hokimi boshchiligidagi Farg’ona viloyati delegatsiyasining joriy yil yanvar oyida Xitoy Xalq Respublikasiga amaliy tashrifi chog’ida erishilgan kelishuvlar doirasida amalga oshirilmoqda.

Joriy yil mart oyi boshida qurilish ishlari boshlangan ushbu zavod, yillik 10 mln. kv. metr yuqori sifatdagi va katta o’lchamlardagi keramogranit plitalari ishlab chiqarish quvvatiga ega bo’ladi. Ishlab chiqariladigan mahsulotlar ichki bozor bilan birga MDH davlatlari hamda Sharqiy YEvropa mamlakatlariga eksportga yo’naltiriladi. Joriy 2024 yil yakunida ishga tushirilishi rejalashtirilayotgan ushbu yirik zavodda 500 ga yaqin doimiy ish o’rni yaratiladi.

Viloyat hokimi Syan Chen Ganga “Crown ceramic” MChJ xorijiy korxonasining viloyatimizda davlat ro’yxatidan o’tkazilgani to’g’risidagi guvohnomani topshirdi.

Qayd etib o’tish lozimki, Xitoyning yana bir yirik kompaniyasi – Jianhua Ceramics tomonidan “Qo’qon” EIZ hududida keramika mahsulotlari va kafel ishlab chiqarish bo’yicha yirik investitsion loyiha ham amalga oshirilmoqda. Ushbu loyihaga xitoylik investorlarning 50 mln. dollar to’g’ridan to’g’ri investitsiyasi yo’naltirilgan. Qurilish ishlari o’tgan yilning noyabr oyida boshlangan bo’lib, hozirda jadallik bilan davom etmoqda.

Bizni ijtimoiy tarmoqlarda kuzating
Facebook, Telegram, Facebook, YouTube, Instagram