Qo'qon davlat pedagogika instituti

Qo'qon davlat pedagogika instituti 1931-yil yanvar oyida kechki pedagogika oliy bilimgohi sifatida tashkil etilgan. 1938-yilda kechki o'qituvchilar institutiga aylantirilgan va 1939-1940 o'quv yilidan boshlab kunduzgi davlat o'qituvchilar institutiga aylantirilgan. 1943-yilda institutga shoir Muqimiy nomi berilgan va 1954-yilda xotin-qizlar davlat pedagogika institutiga aylantirilgan.

Bugungi kunda Qo'qon davlat pedagogika instituti zamonaviy pedagogik kadrlarni tayyorlovchi yirik oliy ta'lim muassasalaridan biri hisoblanadi. Institutda 27 ta bakalavriat va 16 ta magistratura mutaxassisliklari bo'yicha jami 16,000 nafardan ortiq talabalar tahsil olmoqda.

Institutda quyidagi fakultetlar mavjud: Fizika-matematika fakulteti, O'zbek tili va adabiyoti fakulteti, Tabiiy fanlar fakulteti, Tarix fakulteti, Pedagogika fakulteti, Jismoniy madaniyat fakulteti, Maktabgacha va boshlang'ich ta'lim fakulteti, Chet tillar fakulteti.

Institut zamonaviy moddiy-texnika bazasiga ega bo'lib, 269 ta o'quv xonasi, 21 ta o'quv laboratoriya xonasi, bitta stadion, 4 ta basketbol va voleybol maydonlari, 3 ta yopiq sport zali, zamonaviy ARM, fakultetlarda zamonaviy kompyuter xonalari, 3 ta binodan iborat talabalar turar-joylari va 250 o'rinli oshxona mavjud.