Farg‘ona “Muruvvat” nogironligi bo‘lgan bolalar uchun internat uyi tarbiyalanuvchilariga Prezident sovg‘alari topshirildi.

Shu munosabat bilan tashkil etilgan tadbirda “Muruvvat” uylarini zamonaviy reabilitasiya jihozlari bilan ta‘minlanishini hamda o‘z ishini yangi konsepsiya asosida yo‘lga qo‘yilishini tashkil etish borasida amalga oshirilayotgan ishlar xususida so‘z yuritildi. Jumladan, ushbu maqsadda 26 turdagi 40 dona reabilitasiya qilishning texnik vositalari hamda korreksion-didaktik materiallar xarid qilindi. Internat uyining kunduzgi parvarishlash guruhiga 30 nafar nogironligi bo‘lgan bolalar qabul qilinib, 67 nafar uyda mobilь tarbiyalanayotgan nogironligi bo‘lgan bolalar uchun ijtimoiy xizmatlar ko‘rsatishning takomillashtirish, ta‘lim, korreksion-pedagogik xizmatlar olish imkoniyatining turli ko‘rinishdagi reabilitasiya tadbirlari, o‘z-o‘ziga xizmat ko‘rsatish, hayotiy ko‘nikmalar hamda ijtimoiy moslashuvni ta‘minlash xizmatlari yo‘lga qo‘yildi.

2024 yil boshidan buyon ushbu muassasada 11 nafar bola mustaqil harakatlanish va o‘ziga xizmat ko‘rsatish ko‘nikmalariga ega bo‘ldi hamda oilasi bag‘riga qaytarildi.

Yangi yil arafasida bu erda bayram dasturi tashkil etilib, bolajonlarga sovg‘a-salomlar ulashildi.