“O‘zbekiston – kitobxonlar yurti” shiori ostida o‘tkazilayotgan V Respublika “Kitobxonlik haftaligi” O‘zbekiston tumanida qizg‘in sur’atlarda davom etmoqda.

Xususan, tuman axborot-kutubxona markazida kitobsevar yoshlar, jamoatchilik vakillari ishtirokida kitob mutolaasi va kitobxonlik madaniyatini oshirish hamda targ‘ib qilishga qaratilgan turkum madaniy-ma’rifiy tadbirlar tashkillanmoqda.

Umumta’lim maktablari o‘quvchi o‘g‘il-qizlari ishtirokida o‘tkazilayotgan turli adabiyot va badiiy asarlar yuzasidan savol-javoblar, taqdimot va intellektual o‘yinlar, mazmunga boy sahna chiqishlari yosh avlodning ma’naviy hamda intellektual salohiyatini kuchaytirishga xizmat qilmoqda.

Haftalik doirasidagi ma’naviy-ma’rifiy tadbirlar tuman maskanlarida davom etmoqda.