Шаньдун провинциясининг Цзинань шаҳрида “Янги Ипак йўли кўприги — Шаньдун ва Ўзбекистоннинг ҳамкорликдаги ривожланиши” мавзусида Фарғона-Шаньдун бизнес-форуми бўлиб ўтди.

Вилоят ҳокими Хайрулло Бозоров бошчилигидаги вилоят расмийлари ва тадбиркорларидан иборат делегация ҳамда 150 нафарга яқин шаньдунлик ишбилармонлар иштирокидаги форум икки томонлама манфаатли ҳамкорликни ривожлантиришда ўзига хос мулоқот майдони бўлди.

Вилоят ҳокими Ўзбекистон ва Хитой ўртасидаги муносабатлар янги босқичда давом этаётганлигини, бу ҳудудлараро ҳамкорликни фаоллашишига хизмат қилаётганлигини таъкидлаб ўтди. Айниқса, Шаньдун провинциясидаги компания ва тадбиркорлар билан вилоятимизда самарали ҳамкорлик йўлга қўйилиб, истиқболли лойиҳалар амалга оширилаётгани эътироф этилди. Барча йўналишлардаги ташаббус ва лойиҳаларни қўллаб-қувватлашга тайёрлиги билдирилиб, ишбилармон доира вакилларини Фарғонага таклиф қилди.

Шаьндун Савдо-саноат палатаси раҳбари ўринбосари Сун Мэйцзюй икки ҳудуд иқтисодий ҳамкорлигини мустаҳкамлаш, қўшма лойиҳаларни амалга ошириш хусусида сўз юритди.

Бизнес форумда вилоятнинг инвестицион имкониятлари ва тадбиркорлик субъектлари учун яратилган шароитлар ҳақида маълумот берилди.

Форум давомида шаньдунлик ишбилармонлар биргаликда амалга ошириш учун ўнлаб турли соҳа ва йўналишларни қамраб олган лойиҳавий таклиф ва ташаббуслар тақдимотини ўтказди.

"Woerde Group" компанияси Фарғона вилоятининг бу ердаги вакили этиб тайинланганлиги маълум қилинди.

Форумда 200 млн долларлик шартномалар имзоланди.