Фарғона туманида жойлашган Шоҳимардон қишлоғи хушманзара табиати, зилол сойлари, пурвиқор тоғлари билан машҳур. Тўрт фаслда ҳам бу маскан дам олувчилар билан гавжум. Ҳудудда туризмни ривожлантириш мақсадида вилоят ҳокимлиги томонидан амалий ишларга киришилган.

Вилоят ҳокими Хайрулло Бозоров вилоят секторлари раҳбарлари билан бирга Шоҳимардонда бўлиб, ҳудудда амалга оширилаётган бунёдкорлик ишлари билан танишди, ҳудудни ривожлантириш бўйича берилган топшириқлар ижросини ўрганди.

Вилоятнинг масъул бошқарма ва ташкилотлари раҳбарларига тегишли вазифа ва топшириқлар берилди.

Айни кунларда мемориал музейни таъмирлаш ишлари олиб борилмоқда. 1600 ўринли амфитеатр қурилмоқда. Вилоят раҳбари музейда бўлиб, қурилиш жараёнларини якунлаш, экспонатлар сонини кўпайтириш бўйича мутасаддиларга кўрсатмалар берди.

Истироҳат боғи, дам олиш комлекси, “Ҳазрат Али” мажмуаси ва бошқа объектларнинг лойиҳалари билан танишиб, уларни такомиллаштириш, дам олувчиларга қулай шароитлар яратиш борасида топшириқлар берилди. Шунингдек, масъулларга қишлоқнинг марказини архитектура талаблари асосида лойиҳасини ишлаб чиқиш, ҳудудни кўкаламзорлаштириш, дам олиш масканларини кўпайтириш бўйича вазифалар юклатилди.