O'zbekiston Respublikasi Vazirlar Mahkamaning 2024 yil 27 avgustdagi 532-sonli qarori bilan tasdiqlangan dasturning 12-bandiga asosan sudьyalarning umumiy o'rta ta'lim maktablarida dars o'tishi belgilangan. Qarorning asl maqsadi ham davlat ta'lim muassasalarida yuridik ta'limning uzluksiz tizimini joriy etish hamda voyaga yetmagan yoshlarning huquqiy madaniyati va savodxonligini oshirishga qaratilgan.

Rishton tumanidagi 3-sonli umumiy o'rta ta'lim maktabida mazkur qaror ijrosi yuzasidan Rishton tumanlararo iqtisodiy sudi sudyasi Sh. Mirzamatov ishtirokida bir soatlik ochiq dars tashkil etildi va “Sud – odil sudlov qo'rg'oni” mavzusida dars mashg'uloti o'tkazildi. Dars jarayonida o'quvchilarni huquqiy savodxonlik malakasini oshirshiga doir kerakli ma'lumot va tushuntirishlar berildi.

So'x tumani hokimligi Axborot xizmati