Viloyat hokimi Xayrullo Bozorov boshchiligidagi viloyat delegatsiyasi Xitoyga amaliy tashrifi davomida Foshan shahrida joylashgan "Guangzhou Victel Technology Co., Ltd" kompaniyasida bo‘ldi.

Aloqa sohasida katta tajribaga ega Victel zamonaviy innovatsion texnologiyalarni amaliyotga tatbiq etib kelmoqda. Kompaniyaning qurilmalari favqulodda vaziyatlar, jamoat xavfsizligi, harbiy, metro, neft konlari, atom elektr stansiyalari, aeroportlar va boshqa sohalarda keng qo‘llanilmoqda. Elektr energiya talab qilmaydigan, keng qamrovli simsiz baza stansiyalari maxsus tarmoq orqali ishlaydi.

Viloyat rahbari kompaniyaning ish jarayoni va qurilmalari bilan tanishdi. Farg‘onada ham qishloq xo‘jaligi, mahallalarda tajriba sifatida Victel texnologiyalarini joriy etishga kelishildi hamda hamkorlik shartnomasi imzolandi.