Respublikamizning har bir viloyatida bir vaqtning o‘zida o‘tkazilgan ko‘chat ekish tadbirlari Farg‘onada ham ko‘tarinkilik bilan tashkil etildi.

Prezidentimiz ishtirokida bugun Toshkent shahri atrofida “yashil” belbog‘ barpo etish loyihasi doirasida ko‘chat ekish tadbiri bo‘lib o‘tdi. Davlatimiz rahbari ko‘chat ekish jarayonini boshlab berdilar. Shundan so‘ng mamlakatimizning barcha viloyatlarida ham bir vaqtning o‘zida uyushtirilgan ko‘chat ekish tadbirlari davom etdi va bu jarayon onlayn monitorda namoyish etildi.

Marg‘ilon shahrida barpo etilayotgan “Yangi O‘zbekiston” massivi hududida manzarali daraxt ko‘chatlari ekish tadbiri bo‘lib o‘tdi. Unda viloyat hokimining o‘rinbosarlari, viloyat sektorlari rahbarlari, boshqarma va tashkilotlar rahbar va xodimlari, viloyat nuroniylari, yoshlar hamda jamoatchilik vakillari ishtirok etdilar.