Viloyat hokimi Xayrullo Bozorov Tojikistonlik tadbirkor Xayriddin Boboyevni qabul qildi. Tojikistonlik tadbirkor o‘z mablag‘lari hisobiga Beshariq tumanida sig‘imi 2 ming tonna bo‘lgan suyultirilgan gaz saqlash ombori qurish niyati borligini ma‘lum qildi. Ushbu loyiha orqali avtomobillar, ijtimoiy xizmat ko‘rsatish obyektlari va aholi uchun suyultirilgan gaz yetkazib berish yo‘lga qo‘ylishi haqida ma‘lumotlar berildi. Loyiha uchun maqbul joy ko‘rish va aniq takliflar asosida muzokaralarni davom ettirishga kelishildi. Uchrashuvda Beshariq tumani hokimi Rasuljon Jo‘rayev ham ishtirok etdi.