Учкўприк туманида мамлакатимизда илк бор "Лимон сайли" фестивали ва кўргазмали семинар ўтказилди







Учкўприк туманидаги "Боғи Абдураҳмон ота" фермер хўжалигида мамлакатимизда илк бор "Лимон сайли" фестивали ҳамда лимон етиштириш, сақлаш, қайта ишлаш ва экспорт қилиш масалаларига бағишланган кўргазмали семинар ўтказилди. Вилоят ҳокимлиги, "Туронбанк" АТБ, Цитрус, субтропик ва тропик ўсимлик етиштирувчилар ва экспорт қилувчилар уюшмаси ҳамкорлигида ташкил этилган тадбирда мамлакатимизнинг барча ҳудудларидан 200 нафардан зиёд лимон етиштирувчи фермерлар, томорқа эгалари, тадбиркорлар ва экспортёрлар иштирок этди. Тадбир давомида лимончиликни ривожлантириш борасидаги давлат дастурлари, соҳага илмий-инновацион ёндашувлар, халқаро тажрибалар, тижорат банкларининг имтиёзли кредитлари ҳақида маълумот берилди. Лимон етиштиришда Учкўприк тажрибаси, туманда "Бир маҳалла - бир маҳсулот" тамойили асосида амалга оширилаётган ишлар, маҳаллалар ихтисослашуви, лимонни қайта ишлаш, қадоқлаш ва экспорт қилиш бўйича янги лойиҳалар тақдимоти ўтказилди. Хонадонларда лимон етиштириш ва сақлаш жараёнлари билан танишилди. Тадбир доирасида "Лимончиликни ривожлантиришда ўзаро тажриба алмашиш ва маркетинг стратегиялари" мавзусида соҳанинг етакчи мутахассислари, фермерлар, тадбиркорлар ва экспортёрлар иштирокида давра суҳбати ташкилланди. Бугунги кунда Учкўприк туманида “Қурбонқашқар”, “Оқсув”, “Боғибўстон”, “Олтин водий”, “Сариқўрғон”, “Тожик”, “Сойбўйи”, “Катта қашқар” маҳаллаларида 3 минг 823 та хонадонда 766 гектар майдонда иссиқхоналар ташкил этилиб, лимон етиштириш йўлга қўйилган. Вазирлар Маҳкамасининг жорий йил 2 апрелдаги “Республикада лимончилик соҳасини қўллаб-қувватлаш бўйича қўшимча чора-тадбирлар тўғрисида”ги қарорига асосан, Учкўприк туманида 2025 йилда 800 та хонадонни, 2026 йилда эса яна 1 минг 20 та хонадонни лимончиликка ихтисослаштириш, қўшимча 98 гектар майдонда янги иссиқхоналар ташкил этиш режалаштирилган.
Bizni ijtimoiy tarmoqlarda kuzating!
Tavsiya etamiz
Tavsiya etamiz


Фарғона ва Омск вилояти ҳамкорликда қўшма лойиҳаларни амалга оширади

Фарғонада водийда ягона бўлган мебель ишлаб чиқариш ва омборхона иш бошлади

Хитойлик ишбилармонлар ва вилоятимиз тадбиркорлари иштирокида форум бўлиб ўтди