Мазкур институт текстиль ва пластмасса материаллари соҳасида илмий-тадқиқот ишлари, инновацион ишланмалар, саноат учун замонавий ечимлар яратиш йўналишида фаолият олиб боради. TITK Group экологик тоза, самарали ва инновацион материалларни ишлаб чиқиш, саноат ва илм-фан алоқаларини ривожлантириш ҳамда ёш кадрларни тайёрлаш ва илмий салоҳиятни оширишга муҳим эътибор қаратиб келмоқда. Институт томонидан кўплаб инновацион ишланмалар ва лойиҳалар яратилмоқда. Жумладан, “Triple‑recycled” (300% қайта ишланган) товушли мато лойиҳаси шулардан бири. Целлюлозадан (ишлаб чиқариш чиқиндиларидан) олинган толани қайта ишлашга оид янги турдаги ишланмаларни тақдим этди. Бу мато уч марта қайта ишланган толадан яратилган. Шунингдек, замонавий пилот миқёсидаги “Digester” (пишириш реактори) қурилмаси ишлаб чиқилмоқда. Қурилма қишлоқ хўжалиги чиқиндиларидан целлюлоза олиш ва матоларни қайта ишлашда қўлланилади. Дастлаб вилоят делегациясига институт фаолияти ва лойиҳалари ҳақида тақдимот қилинди. Учрашувда вилоят ҳокими Хайрулло Бозоров мазкур институт билан ўзаро манфаатли ҳамкорликни йўлга қўйиш, вилоятимиздаги тўқимачилик йўналишидаги корхоналарда илғор ишланмаларни амалга оширишни таъкидлади. Ҳамкорликда қўшма лойиҳаларни амалга оширишга келишилди.