Viloyat hokimining birinchi o‘rinbosari Mirzohid Ubaydullaev boshchiligidagi viloyat rasmiylari hamda turli sohalarda faoliyat yurituvchi tadbirkorlar hamda turoperatorlardan iborat delegasiya amaliy tashrif bilan Xitoyning Shinjon-Uyg‘ur avtonom rayonidagi Qashg‘ar shahrida bo‘lib turibdi. Tashrif doirasida delegasiya a‘zolari 15-Markaziy va Janubiy Osiyo xalqaro savdo ko‘rgazmasida ishtirok etadi. Unda Farg‘ona viloyatining invetisiyaviy salohiyati taqdimoti o‘kazilib, mahalliy kompaniyalar vakillari ishtirokida B2B uchrashuvlari amalga oshiriladi. Tadbirlar davomida o‘zaro hamkorlikni rivojlantirish, Farg‘ona viloyatiga investisiyalarni faol jalb qilish maqsadida hududlararo memorandumlar imzolanishi va o‘zaro manfaatli loyihalar yuzasidan investorlar bilan muhokamalar o‘tkazilishi ko‘zda tutilgan. Bugun mazkur uchrashuvlar oldidan amaliy chora-tadbirlar delegasiya a‘zolari ishtirokida yana bir bor kelishib olindi.