Вилоят ҳокимининг ўринбосари Нуриддин Мамажонов бошчилигидаги вилоят делегацияси айни пайтда амалий ташриф билан Хитой Халқ Республикасида бўлиб турибди. Инвестициялар, саноат ва савдо вазирлиги ҳамда Ўзбекистоннинг Хитойдаги элчихонаси ҳамкорлигида Урумчи шаҳрида ўтказилган “Ўзбекистон-Хитой (ШУАР)” бизнес-форумида вилоят делегациясининг расмий ҳамда 20 дан зиёд бизнес доира вакиллари иштирок этди. Форум давомида вилоятимизнинг иқтисодий, инвестиция ва экспорт салоҳияти тақдимот қилинди. Шу билан бирга, форум доирасида қатор бизнес музокаралар олиб борилди. Икки томон расмий ҳамда тадбиркорлари ўртасида қишлоқ хўжалиги, фармацевтика, электротехника ва бошқа йўналишларда 10 га яқин дастлабки келишувлар имзоланди.