Viloyatimizda O‘zbekiston Respublikasi Qurolli Kuchlari tashkil etilganining 33 yilligi va 14 yanvar – Vatan himoyachilari kuni katta ko‘tarinkilik bilan nishonlanmoqda.

Bayram munosabati bilan “Vatanparvarlar bog‘i”dagi “Motamsaro ona” haykali poyiga tantanali gul qo‘yish marosimi bo‘lib o‘tdi.

Erta tongdan viloyat markazidagi mazkur maydonga viloyatdagi barcha davlat va jamoat tashkilotlari vakillari,  harbiylar, ommaviy axborot vositalari  xodimlari va keng jamoatchilik jam bo‘ldi. Sharqiy harbiy okrug qo‘shinlari, ichki ishlar, Milliy gvardiya, favqulodda vaziyatlar boshqarmalari harbiy xizmatchilari saf tortdi.

Viloyat hokimi, harbiy-ma‘muriy sektor rahbari Xayrullo Bozorov, Sharqiy harbiy okrug qo‘shinlari qo‘mondonligi, viloyat sektorlari rahbarlari, viloyat Xavfsizlik va Mudofaa tizimlari rahbarlari, shuningdek, davlat, jamoatchilik, nuroniylar va yoshlar tashkilotlarining vakillari ishtirokida “Motamsaro ona” haykali poyiga gulchambarlar qo‘yildi.