Вилоят ҳокими Хайрулло Бозоров Тожикистонлик тадбиркор Хайриддин Бобоевни қабул қилди. Тожикистонлик тадбиркор ўз маблағлари ҳисобига Бешариқ туманида сиғими 2 минг тонна бўлган суюлтирилган газ сақлаш омбори қуриш нияти борлигини маълум қилди. Ушбу лойиҳа орқали автомобиллар, ижтимоий хизмат кўрсатиш объектлари ва аҳоли учун суюлтирилган газ етказиб бериш йўлга қўйлиши ҳақида маълумотлар берилди. Лойиҳа учун мақбул жой кўриш ва аниқ таклифлар асосида музокараларни давом эттиришга келишилди. Учрашувда Бешариқ тумани ҳокими Расулжон Жўраев ҳам иштирок этди.