Farg‘ona tumani Maktabgacha va maktab ta‘limi bo‘limi tasarrufidagi 28-umumiy o‘rta ta‘lim maktabida “PISA-2025” xalqaro tadqiqotlariga tayyorgarlik ko‘rish maqsadida 15 yoshli o‘quvchilar ishtirokida “Bilimdon o‘quvchilar” tanlovi tashkil etildi. Tanlov orqali o‘quvchilarning savol-javob, tahliliy fikrlash va amaliy bilimlardan foydalana olish ko‘nikmalari sinovdan o‘tkazildi. Bellashuv yakunida g‘oliblikni qo‘lga kiritgan o‘quvchilar tantanali tarzda taqdirlandi. Taqdirlash marosimida Farg‘ona tumani hokimi o‘rinbosari Ilhomjon Toshpo‘latov, Maktabgacha va maktab ta‘limi bo‘limi boshlig‘i Shavkatjon Yuldashev, viloyat maktabgacha va maktab ta‘limi boshqarmasi hamda viloyat Mahorat markazi metodistlari ishtirok etdi. Tadbir davomida g‘olib o‘quvchilarga tashakkurnomalar hamda esdalik sovg‘alari topshirildi. Bu kabi tanlovlar o‘quvchilarning bilimga bo‘lgan qiziqishini oshirish, xalqaro baholash tizimiga puxta tayyorgarlik ko‘rishlariga zamin yaratmoqda.