Unda jamoaning joriy mavsumdagi O‘zbekiston Superligasidagi ishtiroki haqida so‘z bordi. Xususan, “Qo‘qon-1912” futbol mavsumini yaxshi natijalar bilan boshlaganiga e‘tibor qaratildi. 8-tur doirasida mehmonda “Bunyodkor” jamoasiga qarshi o‘yinda 2:1 hisobida qozonilgan muhim g‘alaba va 3 ochko o‘yinchilar va muxlislarning ruhiyatini ko‘targani qayd etildi. Bosh murabbiy Bahrom Haydarov qo‘l ostida chiroyli va muvaffaqiyatli o‘yin ko‘rsatayotgan jamoaga viloyat rahbari yana bir bor omad tiladi. O‘zbekistonda tashkil etilgan ilk futbol jamoalaridan biri bo‘lgan “Qo‘qon-1912” kelgusida ham har tomonlama qo‘llab-quvvatlanishi va uning faoliyatiga etarli e‘tibor qaratilishi ta‘kidlandi.