Viloyatimizda kanal va zovurlar atrofidagi bo‘sh turgan yerlardan samarali foydalanib, aholining bandligini ta‘minlash, qishloq xo‘jaligi mahsulotlarini yetishtirish, baliq, o‘rdak parvarishini yo‘lga qo‘yish tadbirlari ko‘rilmoqda. Viloyat hokimi Xayrullo Bozorov Qo‘shtepa tumanida mazkur yo‘nalishlarda amalga oshirilayotgan ishlar bilan tanishdi. Kanal va zovurlarning atrofidagi yerlar 200 dan ortiq aholiga bo‘lib berilayotgan bo‘lib, ularda uzum plantansiyalari hamda boshqa yo‘nalishlar tashkil etilmoqda. Viloyat rahbari mas‘ullarga bu ishlarni jadallashtirish, istiqbolli loyihalarni joriy etish va bu yo‘l orqali aholini daromadli qilish borasida topshiriqlar berdi.