Тошкент шаҳридаги “Central Asian Expo Uzbekistan” мажмуасида ўтказилаётган "ИННОПРОМ. Марказий Осиё" бешинчи халқаро саноат кўргазмаси доирасида вилоят ҳокими Хайрулло Бозоров Россия Федерацияси делегацияси вакиллари билан қатор учрашувлар ўтказди. Вилоят ҳокими Ленинград вилояти ҳукумати раисининг ўринбосари - Иқтисодий ривожланиш ва инвестицион фаолият қўмитаси раиси Дмитрий Ялов билан учрашди. Унда икки ҳудуд ўртасида манфаатли ҳамкорликни ривожлантириш, хавфсиз, тартибли ва қонуний меҳнат миграциясини йўлга қўйиш, савдо-иқтисодий масалалар бўйича мулоқот қилинди. Икки ҳудуд ўртасида турли соҳаларда ҳамкорлик қилиш бўйича келишиб олинди.