Бугунги кунда мажмуада йўл инфратузилмасини яхшилаш, ободонлаштириш ишлари олиб борилмоқда. Яшил ҳудудларни кўпайтириш, экилган дарахтларни парваришига эътибор қаратиляпти. Туризм марказининг бош режаси ишлаб чиқилиб, меҳмонхоналар, дам олиш зоналари, махсус автотураргоҳлар, ўйингоҳлар, амфитеатр, савдо ва хизмат кўрсатиш мажмуаларини жойлаштириш жараёни давом этмоқда. Шунингдек, бу ерда 53 та коттеж қурилади, гуллар боғи ва бошқа объектлар барпо этилади. Вилоят ҳокими қурувчилар, масъул ташкилотлар раҳбарлари билан мулоқотда қурилиш ишларини бошлаш, салоҳиятли тадбиркорларни бу ерга жалб этиш масалаларига эътибор қаратди. Туризм маркази бош режасини янада такомиллаштириш, дам олувчилар учун қулайликлар яратиш борасида кўрсатма ва топшириқлар берди. Масъулларга кунлик ишларни таҳлил қилиб бориш ва қурилиш ишларини назорат қилиш топширилди. Вилоят раҳбари “Қақир” МФЙда амалга оширилаётган бунёдкорлик ишларини ҳам кўздан кечирди. Қува туманини жадал комплекс ривожлантириш дастури доирасида амалга оширилаётган ишларни муддатида, сифатли бажариш бўйича зарур кўрсатмалар берилди.