Marg‘ilon shahridagi Qashqar mahallasida yirik savdo va maishiy kompleksni qurish ishlari boshlandi. Viloyat hokimi Xayrullo Bozorovga mazkur investisiya loyihasi taqdimot qilindi. Tadbirkor Firdavs Ho‘jamberdiev tomonidan 7 million dollarlik investisiya hisobiga 5 qavatli zamonaviy savdo-maishiy kompleks barpo etilmoqda. Bu erda savdo va maishiy xizmat ko‘rsatish do‘konlari, bolalar uchun o‘yingohlar hamda ko‘ngilochar maskanlar faoliyat ko‘rsatadi. Majmua ishga tushirilishi natijasida 500 nafar fuqaro doimiy ish o‘rniga ega bo‘ladi. Viloyat rahbari bu kabi zamonaviy ob‘ektlarni aholining hayot sifatini oshirishdagi roli muhim ekanligini ta‘kidlab, loyihani jadallashtirish hamda yanada takomillashtirish borasida tavsiyalar berdi.