Bugun erta tongdan viloyatimizda ham 2025-2026 o‘quv yilida oliy va professional ta‘lim muassasalariga o‘qishga kirish test sinovlari boshlandi. Viloyatimizda 6 ta hududda 8 ta yirik binoda, ikki smenada imtihonlar o‘tkaziladi, unda 66 mingdan ziyod abiturient ishtirok etishi rejalashtirilgan. Shuningdek, so‘xlik yoshlar uchun sharoitlar yaratish maqsadida tumanning o‘zida test sinovlari o‘tkazilmoqda. Farg‘ona Olimpiya va paralimpiya sport turlariga tayyorlash markazining binosida ham test jarayoni yoshlarning o‘zgacha hayajoni bilan boshlandi. Abiturientlar, ota-onalar uchun ham zarur shart-sharoitlar muhayyo qilingan.