Viloyat hokimi Xayrullo Bozorov Xitoyning "Zhong Rui Tou Ltd" kompaniyasi rahbari Sui Junshengni hamda buvaydalik hamkori “Al-Temur” MChJ rahbari Bobur Akramzodani qabul qildi. Muloqotda O‘zbekiston va Xitoy o‘rtasidagi munosabatlar izchil rivojlanib borayotgani haqida so‘z bordi. Farg‘onada xitoylik investorlar tomonidan turli yo‘nalishlarda qator loyihalar amalga oshirilayotgani ta‘kidlandi. Xitoylik investor viloyatda ko‘p qavatli turar-joy binosi, mehmonxona va restoran qurish, shuningdek, xitoy tilini o‘rgatish uchun o‘quv markazi tashkil etish bo‘yicha rejalashtirilayotgan loyihalar haqida ma‘lumot berdi. Viloyat hokimi Xayrullo Bozorov hamkorlikka tayyor ekanligini bildirib, loyihalarni aniq reja asosida amalga oshirish zarurligini qayd etdi. Uchrashuvda o‘zaro hamkorlik chora-tadbirlari kelishib olindi.