Pyontek shahrida barpo etilayotgan 100 gektarlik bog‘da daraxt ekish marosimi bo‘lib o‘tdi. Farg‘ona viloyati hokimi Xayrullo Bozorov va Pyontek shahri meri Jong Chang Son mustahkam do‘stlik va hamkorlikning ramzi sifatida birgalikda daraxt ekdilar. Pyontek Janubiy Koreyaning tez rivojlanayotgan shaharlaridan bo‘lib, iqtisodiyot, sanoat bilan birga yashil hududlarni ko‘paytirishga alohida e‘tibor qaratilmoqda. 2018-yilda boshlangan sa‘y-harakatlar samarasida qariyb 8 mln. tupga yaqin daraxtlar ekildi. Shahar bugungi kunda yashil maydonlari, bog‘lari, o‘rmonlari bilan ham maftunkor.