Farg‘onada “O‘zbekiston yoshlari forumi-2024” doirasida "Besh tashabbus olimpiada"sining “Kasblar tanlovi” va “Yosh quruvchi” yo‘nalishlari bo‘yicha viloyat bosqichi o‘tkazildi.

Viloyat Qurilish va uy-joy kommunal xo‘jaligi bosh boshqarmasi hamda Yoshlar ishlari agentligi viloyat boshqarmasi bilan hamkorlikda tashkil etilgan mazkur bosqichda ishtirokchilar o‘z mahoratlarini namoyish etib, qurilish sohasida egallagan bilim va ko‘nikmalarini sinovdan o‘tkazdilar.

Hay‘at a‘zolari tomonidan ishtirokchilarning ishlari baholanib, ular esdalik sovg‘alari, pul mukofotlari bilan taqdirlandi.

Eng yaxshi natijani qayd etgan bir nafar ishtirokchi respublika bosqichiga yo‘l oldi.