Indoneziyaning "UI GreenMetric" xalqaro reyting tashkiloti o‘zining 2024 yil uchun natijalarini e‘lon qildi. Unda Farg‘ona davlat universiteti Top-500 talikdan joy olib, 6760 ball bilan dunyo reytingida 483-o‘rinni egalladi.

Quvonarlisi, bunda FarDU ta‘lim yo‘nalishlarida 1575 ball, shuningdek, chiqindilarni yo‘naltirish bo‘yicha 1500 ball bilan O‘zbekiston oliy ta‘lim muassasalari orasida 1- va 2-o‘rinni band etdi.

Farg‘ona davlat universitetining bunday yuqori natijalarni qisqa muddatda qo‘lga kiritishida universitet rahbariyati va professor-o‘qituvchilarining hissasi katta. Shuningdek, FarDUning mazkur nufuzli reyting tashkiloti bilan muntazam olib borgan muloqoti ham juda katta samara berdi. Ahamiyatli jihati, o‘tgan yili reytingda 738-o‘rinda turgan oliygoh joriy yilda katta harakat bilan o‘z o‘rnini 255 pog‘ona yuqoriga ko‘tarishga erishgan.

Ma‘lumot uchun, "UI GreenMetric" reytingi universitetlarni infratuzilma, energiya va iqlim o‘zgarishi, chiqindilarni qayta ishlash, suv resurslari, transport, ta‘lim va tadqiqotlar kabi mezon bo‘yicha baholaydi.