Farg‘onada Yangi yil bayram tadbirlari boshlandi.

Bugun Farg‘ona shahridagi Islom Karimov nomidagi viloyat teatr va konsert saroyi old maydonida Yangi yil bayram tadbirlari boshlanishiga bag‘ishlangan tantanali tadbir bo‘lib o‘tdi.

Unda viloyat hokimining o‘rinbosarlari Sherzodjon Polvonov va Hurshidjon Ahmedovlar ishtirok etib, barchani yaqinlashib kelayotgan yangi 2025 yil bilan samimiy qutladilar.

Markazda o‘rnatilgan 36 metrlik bayram archasi atrofida mehmonlar va bolajonlar uchun shou konsert dasturi namoyish etildi.

Osmon uzra porlagan mushakbozlik tadbir ishtirokchilariga hush kayfiyat ulashdi.

Bugundan boshlab shu kabi bayram tadbirlari viloyatimizning barcha hududlari markazlarida tantanali tarzda davom etadi.