Yangi yil bayramini barcha shodumonlik, bir olam quvonch bilan kutib olmoqda. Shodiyona kunlarida ehtiyojmand oilalarga muruvvat ko‘rsatish, bemorlar xolidan xabar olishdek savobli ishlar ko‘paymoqda. 

Viloyat hokimligi tomonidan viloyatimizdagi  shifoxonalarda davolanayotgan bemorlar uchun bayram tadbirlari tashkil etildi. Viloyat sektorlari rahbarlari, viloyat hokimining o‘rinbosarlari, shahar va tuman hokimlari tibbiyot muassasalarida bo‘lib, bemorlar xolidan xabar oldilar.

Ularni Yangi yil bayrami bilan tabriklab, tezroq sog‘ayib, shifo topishlarini tiladilar. Samimiy muloqotlar bemorlarga ko‘tarinki kayfiyat bag‘ishladi. Yo‘qlovlar davomida ularga bayram sovg‘alari ulashildi.