2025-yilda Farg‘ona viloyatini ijtimoiy-iqtisodiy rivojlantirish bo‘yicha maqsadli ko‘rsatkichlar - Shahar va tumanlarda 1210 gektar yer maydonlarida xorijiy investorlar bilan hamkorlikda yirik investitsiya loyihalarini amalga oshirish uchun Xitoy tajribasi asosida “Farg‘ona yangi imkoniyatlar” maxsus sanoat zonalari tashkil etiladi; - Marg‘ilon shahridagi Navro‘z mahallasida tanlangan 117 gektar yer maydonida “Yangi O‘zbekiston” massivi hamda Burhoniddin Marg‘inoniy majmuasi bunyod etiladi; - Quva tumani Karkidon suv ombori hududi hamda Farg‘ona tumani Shohimardon qishlog‘ida turistik zonani rivojlantirish va boshqarish maqsadida turistik-rekreaksion zona direksiyasi tashkil etiladi; - Beshariq tumanining Tojikiston Respublikasi bilan chegara hududidagi 4,4 gektar maydonda Termiz tajribasi asosida erkin savdo zonasi tashkil etiladi.