Viloyat hokimi Xayrullo Bozorov Qatarning “JTA Holding International” kompaniyasi rahbari Amir Ali Salemi bilan onlayn uchrashuv o‘tkazdi. Viloyat hokimining o‘rinbosarlari, tegishli mas‘ullar va “JTA Holding International” kompaniyasining xodimlari ishtirokida videokonferensaloqa shaklida o‘tkazilgan uchrashuvda Farg‘ona viloyati hamda “JTA Holding International” kompaniyasi o‘rtasida hamkorlikni rivojlantirish va kengaytirish imkoniyatlari muhokama qilindi. Viloyat hokimi ushbu uchrashuv dastlabki loyihalarni aniq belgilab olish va kelgusidagi rejalar xususida kelishib olish maqsadida tashkil etilganini qayd etdi. Ushbu kompaniya bilan uzoq muddatli va manfaatli hamkorlik o‘rnatishga ishonch bildirildi. Uchrashuvda viloyatimizda bir qator yo‘nalishlarda loyihalarni amalga oshirish bo‘yicha takliflar bildirildi.