Hunarmandlar sanoat zonasining qurilishi boshlandi
Yangiqishloq mahalla fuqarolar yig‘ini nafaqat Buvayda tumanida, balki yurtimizda ham temirchilik mahsulotlari bilan tanilgan. Bu yerda 5315 nafar aholi istiqomat qilayotgan bo‘lib, 400ga yaqin xonadon ketmon, bolta, tesha kabi ro‘zg‘or uchun zarur bo‘ladigan mahsulotlarni yasash bilan shug‘ullanadi. Ular ichki bozor bilan birga qo‘shni davlatlarga eksport qilinmoqda. Viloyat rahbari avvalgi o‘rganishlari davomida mazkur mahalladagi hunarmandlarning uylarida bo‘lib, alohida sanoat zonasini tashkil qilib berish taklifini bildirgan edi.
Mazkur mahallada temirchilikka ixtisoslashgan Hunarmandlar sanoat zonasining qurilishi boshlandi. Unda viloyat sektorlari rahbarlari, hunarmandlar ishtirok etdi.
Viloyat hokimi Xayrullo Bozorov temirchi ustalar tomonidan yasalgan mahsulotlarni ko‘zdan kechirdi. Yangi tashkil etilayotgan sanoat zonasida barcha sharoitlar va infratuzilma yaratib berilishligi, har bir hunarmand uchun ustaxona bo‘lishligi aytib o‘tildi.
3,5 gektar maydondagi zonada 6 mln dollarlik investitsiya loyihasi amalga oshiriladi. Mahalla hunarmandlari bu yerga joylashtirilib, 600 dan ortiq ish o‘rni yaratiladi. Mazkur sanoat zonasini joriy yilning sentabr oyida ishga tushirilishi rejalashtirilgan.
Bizni ijtimoiy tarmoqlarda kuzating!
Tavsiya etamiz
Tavsiya etamiz
Farg‘onada “Malakali kadrlar tayyorlash va kasbiy ta‘limga xalqaro ta‘lim dasturlarini joriy etish” mavzusida forum bo‘lib o‘tdi
Viloyat hokimi Buvayda tumanidagi Pishag‘ar mahallasida bo‘lib, xonadonlarda mebel ishlab chiqarish, yog‘ochni qayta ishlash jarayoni bilan tanishdi
Qulupnaydan 300 mln so‘m daromad
Buvayda tumanida ish o‘rinlari yaratish, kambag‘allikdan chiqarish, ishsizlikdan xoli hudud bo‘yicha amalga oshirilgan ishlar bilan tanishildi
Farg‘ona viloyatida 22-23-24-25 yanvarь kunlari kutilayotgan ob-havo ma‘lumoti
